Во животот многу пати се задоволуваме со она што мислиме дека е правилно, соодветно и сигурно. Се плашиме од промени.

Се плашиме да излеземе од удобната зона и да се соочиме со светот без работите на кои сме навикнати.

Се плашиме да одиме понатаму бидејќи зад себе не можеме да ги оставиме луѓето или местата што ги познаваме.

Така гледаме на себе и на својата среќа, го губиме животот на погрешно место кога треба да одиме понатаму.

Ако не си среќен таму каде што си сега - помести се! Не си стебло. Не морате да останете заглавени и засекогаш да останете на едно место.

Ако луѓето околу вас не ве прават среќни, оставете ги зад себе. Ако секојпат кога ќе ги сретнете имате чувство дека нешто не е во ред, тргнете се од нив. Не дозволувајте им да ви се приближат и да ви го губат времето.

Тоа не значи дека целосно ги отстранувате од вашиот живот, туку дека одлучувате да не поминувате време со луѓе што ви прават стрес, физички или ментален. Престанете да се задоволувате со такви врски и разговори.

Ако сте несреќни поради вашата работа, откажете се. Ако повеќе не можете да учите и да растете во својата работа, продолжете понатаму и пронајдете нова.

Работата поради која се чувствувате тажно и исцрпено е токсична. Без оглед на платата, не треба третина од денот да го поминувате чувствувајќи се незадоволни. Тоа вклучува многу проблеми. Не правете си го тоа. Вашата среќа е она што го дефинира вашиот успех. Ако не сте среќни, не можете да бидете успешни во животот. Можеби сте успешни во работата, но никогаш нема да се чувствувате исполнети.

Ако не сте среќни во градот во кој живеете, преселете се. Не останувајте на местото само затоа што ви е познато и удобно.

Ако останете само затоа што вашето место ви е сигурна зона и се плашите да се преселите, тогаш навистина треба да размислете добро за вашите одлуки.

Бидејќи кога најмногу се плашите да скокнете, баш тогаш треба да скокнете. Во спротивно секогаш ќе бидете заклучени на едно место.

Бидејќи домот е место каде што се чувствувате среќни, а не каде што се чувствувате сигурни.

Ако љубовта не ве задоволува, откажете се. Партнерот не е последната личност на Земјата. Врската треба да направи да блескате, да цветате и да ве инспирира да станете подобра личност.

Да растете. Да созревате. Не смее да ве прави тажни. Затоа, не мора да останете во таква врска.

Ако не сте задоволни од вашиот живот, променете го. Без оглед дали тоа е патот на вашата кариера или студии, ако некогаш се најдете во ситуација да сметате дека сте направиле погрешен избор - застанете за момент и променете ја насоката.

Не губете време, пари и труд на нешто поради што вашата душа не пее од радост. Дури и ако тоа значи да изгубите уште една година пред дипломата или ако морате да почнете отпочеток - направете го тоа! И направете го тоа кога не сте задоволни со вашиот избор. Направете го тоа и следниот пат изберете мудро.

Ако сфатите дека животот ве прави тажни, променете ја вашата перспектива. Почнете да гледате на животот од друго гледиште. Не фокусирајте се на работите што не можете да ги контролирате, фокусирајте се на себе и на она што можете да го направите за да се чувствувате добро. Заменете го песимизмот со оптимизам и погледнете како работите се менуваат на подобро.