Иако жените во Европската Унија се пообразовани од мажите, во просек заработуваат 14,1 отсто помалку од нив, покажуваат податоци од 2019 година објавени од Европската комисија и „Еурофонд“.
Сепак, разликите помеѓу заработката на мажите и жените се помали во споредба со претходната деценија. Во 2010 година жените заработувале 15,8 отсто помалку од мажите.
Доколку намалувањето на јазот напредува со истата брзина, на ЕУ ќе ѝ бидат потребни над 70 години за да ја изедначи заработувачката на мажите и на жените.
Фото: Pixabay
Секоја од европските држави има своја статистика во областа која покажува дека некаде јазот помеѓу мажите и жените кога станува збор за заработката е помал или поголем од просекот. Така, оваа разлика е најмала во Луксембург, Романија и Италија, а најголема во Естонија, Летонија, Австрија и Германија.
Кога станува збор за просечната заработка на мажите и жените во пензија во ЕУ, мажите примаат просечно 29,5 отсто повисоки пензии од жените.
Извор:
Makanje
Фото: Pixabay