Бенедета Перили е италијанска новинарка која неодамна се преселила во прекрасен стан во срцето на Рим.
Но, постои проблем. Куќата е место на еден од најголемите урбани масакри во поновата историја на Европа.
Германските војници што го окупирале Рим поминувале низ оваа улица речиси секој ден.
Фото: BBC/Screenshot
На 23 март 1944 година, италијанските партизани од Патриотската акциона група поставиле бомба на аголот на улицата Разела и убиле 33 нацистички војници. Така, улицата Рaзела се смета за најголемиот акт на антигермански урбан отпор во Западна Европа.
Како чин на одмазда, Хитлер наредил да се избрише целото соседство - 10 Италијанци за секој германски војник што загинал тој ден, во период од 24 часа. Вкупно 335 луѓе биле егзекутирани и погребани во масовната гробница „Фосе Ардеатин“, одбележувајќи еден од најтемните моменти во италијанската историја и одлучувачка пресвртница во војната.
- Зошто се важни овие масовни убиства? Затоа што се случиле во Рим, а тоа има две значења: прво, постои симболично значење на Рим, а второ, нацистички масакр во голем град во кој се вклучени жртви со различно социјално потекло. Веројатно ова е еден од малкуте масакри каде што Евреите и оние што не биле Евреи умреле заедно - вели историчарот Алесандро Портели за Би-би-си.
Фото: BBC/Screenshot
Бруталната одмазда испратила јасен сигнал до сојузничките сили, кои решиле да интервенираат.
До ден-денес оваа улица е отворена рана во италијанската колективна меморија, со спротивставени чувства и толкувања на минатото.
Фото: Screenshot/BBC