Дали би успеале да влезете на „Оксфорд“? На приемниот испит за познатиот универзитет редовно има по неколку интересни загатки. Ова е една од нив, а се најде на приемен испит по математика пред неколку години.


Алис, Боб и Чарли секогаш ја кажуваат вистината. Седат еден зад друг, токму како што е прикажано на сликата. Во секое од петте наведени сценарија татко им на главата им става црвени или сини капи. Алис може да ја види капата на Боб и на Чарли, но не може да ја види својата. Исто така, Боб може да ја види само капата на Чарли, а Чарли не може да види ниедна капа. Сите тројца се свесни за тоа. Прашањата се следни:

1. Таткото им става капи на своите три деца и вели: „Вашите капи се црвени или сини. Најмалку еден од вас има црвена капа“. Потоа Алис вели: „Јас ја знам бојата на мојата капа“.

Каква боја се нивните капи?

2. Таткото повторно им ги става капите на децата и им вели: „Вашите капи се црвени или сина. Најмалку еден од вас има црвена капа“. Потоа Алис вели: „Јас не ја знам бојата на мојата капа“. Боб вели: „Ни јас не ја знам бојата на мојата капа“.

Каква боја е капата на Чарли?

3. Таткото повторно им ги става капите на главите на децата и вели: „Вашите капи се црвени или сини. Најмалку еден од вас има црвена, а најмалку еден има сина капа“. Алис вели: „Јас ја знам бојата на мојата капа“. Боб вели: „Мојата е црвена“.

Каква боја се капите на трите деца?

4. Таткото им става нови капи на главите на децата. Тој им вели: „Вашите капи се црвени или сини. Најмалку еден од вас има црвена капа, а најмалку еден има сина“. Алис вели: „Јас не ја знам бојата на мојата капа“. Боб вели: „Мојата е црвена“.

Каква боја е капата на Чарли?

5. Таткото им става нови капи на децата и им вели: „Вашите капи се црвени или сини“. Двајцата што седите еден до друг имате црвени капи“. Алис вели: „Јас не ја знам бојата на мојата капа“.

Каква боја е капата на Чарли?

Решенијата на загатката можете да ги видите тука.