Ширењето на автоматизацијата неминовно ќе внесе одредени промени на пазарот на трудот, пред сѐ укинувајќи ги позициите на мануелните професии што ќе можат да ги извршуваат роботите.
Тоа ќе влијае и врз зајакнувањето на свеста за потребата од човечка креативност и посебни вештини.
„Кариербилдер“, глобална онлајн платформа за поврзување на работната сила и работодавците, го објавила истражувањето што го спровела на американскиот пазар на труд, за кое прогнозира дека во наредните 5 години ќе вработи уште 8 милиони луѓе. Најголемиот раст на вработување ќе реализира во високоплатените и нископлатените дејности - првите ќе бележат од раст од 5.7 отсто, а вторите раст од 5.6 отсто. Бројот на вработени со средно ниво на примања ќе порасне за 3.8 отсто.
Фото: Thinkstock
Меѓу добро платените професии најбарани ќе бидат сметководителите, но само во блиска иднина, бидејќи во далечна се очекува дека би можеле да ги заменат компјутерите. Работа ќе има и за наставниците, истражувачите на пазарот, компјутерската поддршка и водоинсталатерите.
Што се однесува до средните платени професии, во САД во наредните години би можело да бидат отворени уште 50.000 работни места за возачи на возила за достава, иако и нив за релативно брзо време би можеле да ги заменат автономните комбиња и автомобили, како и дроновите. Голема ќе биде и побарувачката за градежни работници, кадри што одржуваат различни машини, медицински сестри и професии од финансискиот сектор.
Меѓу послабите платени
професии најлесно ќе се вработуваат трговците, готвачите, негувателите, работници во обезбедувањето и рецепционери во хотелите.