Експериментална гума за џвакање што содржи протеин кој ги врзува честичките на коронавирусот може да го ограничи количеството на вирус во плунката и да помогне во ограничувањето на преносот на вирусот кога заразените луѓе зборуваат, дишат или кашлаат, веруваат научниците.

Гумата за џвакање содржи копии од АЦE2 протеинот, кој се наоѓа на површината на клетката, кој вирусот го користи како место на пенетрација во клетките и нивна инфекција.

Во експерименти во епрувети, со користење примероци од плунка и брисеви од заразени лица, честичките на вирусот биле прикачени на AЦE2 „рецепторите“ во гумата за џвакање.

Како резултат на тоа, вирусното оптоварување во примероците паднало за повеќе од 95 отсто, објави истражувачкиот тим од Универзитетот во Пенсилванија во списанието „Молекјулар терапи“.

Гумата за џвакање има вкус и конзистентност на обична гума за џвакање, може да се чува со години на нормални температури, а џвакањето не ги оштетува молекулите на протеинот AЦЕ2, велат научниците.