Новогодишната ноќ во поголемиот дел од земјата ќе биде студена, со температура под нулата. Врнежите од снег што ќе почнат од недела попладне ќе траат во текот на целиот ден в понеделник, а за време на новогодишната ноќ ќе престанат.

- Повремени врнежи од дожд и снег на пониските делови, а на повисоките и планините од снег ќе има уште од недела попладне. Врнежите од снег ќе продолжат и в понеделник, особено на северот, а ќе дува северен ветер, кој в понеделник и во вторник повремено ќе засилува. Врнежите ќе прекинат ноќта спроти вторник - информираат од УХМР.

Температурата на новогодишната ноќ ќе се движи од -3 до 3 степени. На југоистокот ќе биде во позитива, а во другите делови од земјата новогодишната ноќ ќе биде со температура под нулата.

Дневната температура ќе достигне до 8 степени.

Извор: МИА