Американската вселенска агенција НАСА се подготвува за својата најнова мисија на Марс. Агенцијата ќе го испрати роверот „Персевиренс“ на долго патување до Црвената планета оваа недела.


Лансирањето на ракетата која ќе го носи роверот е закажано за 30 јули (четврток) во 13:50 часот според средно европско време. Ракетата ќе биде лансирана од вселенска станица во Флорида. Вселенската агенција ќе го пренесува во живо лансирањето на ракетата. Настанот може да се следи на видеото во продолжение. Преносот ќе започне во 13:00 часот.


Роверот „Персевиренс“, како и неговите претходници, ќе бара знаци за живот на Марс во минатото користејќи најнови научни инструменти, како радар, системи за анализа на временски услови и 23 камери.

На роверот ќе го има и хеликоптерот „Инџинуити“. Тоа е дрон кој работи на сончева енергија што ќе се обиде да лета на површината на Марс и ќе бара најдобри патеки за движење на роверот.

Роверот и хеликоптерот треба да пристигнат на Црвената планета во февруари 2021.

Автор: Виктор Тангерман
Извор: futurism.com
Насловна фотографија: Pexels