Германија ќе ја помогне реконструкцијата на студентските домови во земјава, информираа денеска од Владата по завршувањето на 117. владина седница.
„Владата ја разгледа и ја усвои информацијата за можноста за обезбедување техничка помош од Владата на Германија за процена и утврдување на потребите за реконструкција на студентските домови во Република Македонија“, соопштија од прес-службата на Влада.
Во соопштението се додава и дека Владата го задолжила Министерството за образование и наука веднаш да пристапи кон подготовка на ранг-листа на студентски домови во земјава по приоритет за инвестирање.