Новата германска Влада изјавила дека ќе ја дозволи контролираната продажба на канабис на возрасни лица за рекреативна употреба во лиценцирани продавници. Владата предлага создавање регулиран пазар за продажба и консумација на марихуана од страна на возрасни лица, кој ќе вклучува контрола и закони за заштита на младите, меѓу другото, пренесува „Форбс“.
Ова било договорено од страна на партиите во владината коалиција по изборите во септември. Централно-левичарската влада водена од Олаф Шолц, социјален демократ кој ја замени канцеларката Ангела Меркел, работи во коалиција со прогресивната Зелена партија и Слободните демократи.
Демократската христијанска партија, која ја водеше претходната Влада, го блокирала предлогот за легализација на рекреативната употреба на марихуана со години. Според германските закони, не е нелегално да се консумира канабис, но нелегално е неговото купување.
Фото: Pixabay
Со новиот план, Германија би станала најголема нација во светот што го легализирала канабисот, по Уругвај, Канада, Малта и 18 сојузни американски држави.
Декриминализацијата би можела да ѝ носи 4,7 милијарди евра во приходи на државата, од кои 2,8 милијарди евра во даноци, а 1,36 милијарда евра во заштеда на полициски и правни трошоци.
Неодамна Малта стана првата земја во ЕУ што ги легализира употребата и производството на марихуана за рекреативна употреба.
Извор:
Forbes
Фото: Pixabay