„Гугл“ го демонстрираше новиот метод на логирање, кој предвидува задолжително приклучување на корисниците преку специјален уред – хардверски клуч, за да можат да пристапат до својот профил на компјутерот или лаптопот.




Клучот наречен Titan Security Key прво ќе им биде понуден на деловните корисници на Google Cloud Service, а потоа и на сите заинтересирани кориници преку интернет-продавницата на „Гугл“.

Намената на хардверскиот клуч е да се подобри безбедноста на корисничките профили. Корисникот ќе може да се логира на уредот само кога хардверскиот клуч ќе биде во близина.

Веќе некое време компанијата нуди и други безбедносни методи, вклучително и верификација во два чекори преку мобилна апликација или текстуална порака.

Titan Security Key ќе биде понуден во две верзии: едната се поврзува на компјутерот преку УСБ, додека другиот модел користи блутут за безжично поврзување со мобилниот телефон.

Уредот има специјален firmware кој со „Гугл“ проверува дали обидот за логирање е исправен. Харвердските клучеви користат FIDO-стандард, а исто така работат и на различни сајтови.