Овие дами и пред се деловни жени знаат што е потребно за успешна кариера. До директорските места стигнале постепено, чекор по чекор, а имаат и совети за жените што би сакале да ги следат нивните стапки:

Сузан Војчицки, извршна директорка, „Јутјуб“, „Гугл/Алфабет“:

„Изразете се. Не плашете се и не притеснувајте се да го кажете она што го имате на ум и да замолите за она што сакате да го добиете.“

Кети Енгелберт, извршна директорка, „Делоит“:

„Подигнете рака, преземете ризик не плашејќи се од неуспех – тоа е една од најголемите препреки на патот кон успехот.“

Мери Бара, извршна директорка, „Џенерал моторс“:

„Не прекинувајте ги своите деловни врски пребрзо и прерано. Не оддалечувајте се од својата кариера само затоа што сметате дека нешто ќе се случи или нема да се случи.“

Шерил Сандберг, главна оперативна директорка, „Фејсбук“:

„Секогаш прифаќајте нови предизвици – дури и кога нема да бидете сигурни дека сте целосно подготвени.“

Џини Ромети, извршна директорка, Ај-би-ем:

„Бидете подготвени да ја уочите шансата за напредок и развој кога ќе се појави – затоа што тоа е клучна можност за учење. Ќе го знаете тоа затоа што ќе се почувствувате непријатно, а вашиот иницијален импулс може да биде дека не сте подготвени за тоа. Но запаметете: Напредокот и комфорот никогаш не одат заедно.“

Рут Порат, директорка за финансии, „Гугл/Алфабет“:

„Бидете сигурни дека работите за некој сигурен човек кој има волја да ризикува со вас, да ви дава флексибилни можности и кој е тука за да ве поддржи кога работите ќе тргнат наопаку. И направете го истото за луѓето од вашиот тим.“

Џудит Мекена, оперативна директорка, „Волмарт Ју-Ес“:

„Никогаш не плашете се да вработите луѓе што се попаметни од вас и никогаш не плашете се да примите луѓе што се поинакви од вас. Тоа е нешто што тешко се спроведува, но е клучно ако сакате да создадете тим за сериозни резултати.“

Мариен Лек, директорка за финансии, „Џи Пи Морган кејс“:

„Вие сте онолку добри колку што е добар тимот што сте го направиле, затоа бидете магнет за таленти и опкружете се со најдобрите и најбистрите.“

Ејми Худ, директорка за финансии, „Мајкрософт“:

„Нема да имате исти планови за неколку години, споредено со денешните. Животот и приоритетите се менуваат, па така ќе се менуваат и вашите избори.“