Компанијата „Твитер“ денеска соопшти дека ќе ги забрани сите видови политичко огласување на оваа социјална мрежа низ светот.
Извршниот директор на компанијата, Џек Дорси, на „Твитер“ наведе дека досегот на таквите пораки треба да биде заслужен, а не купен.
Тој додаде дека одлуката за забрана на политичко огласување ќе стапи во сила на 22 ноември и ќе важи за сите изборни огласи, како и за огласите што се поврзани со политички прашања.
- Иако огласувањето на интернет е неверојатно моќно и многу ефикасно за комерцијалните огласувачи, таа моќ донесува значајни ризици за политиката - наведува Дорси.
Најновиот потег на „Твитер“ е во целосна спротивност со одлуката на ривалската социјална мрежа „Фејсбук“, која претходно овој месец соопшти дека нема да проверува, ниту да отстранува огласи што ги објавуваат политичарите.
Извор: МИА