Microsoft Office апликациите сега достапни и на Android таблетите

Корисниците на Android таблетите сега имаат можност да симнуваат апликации од Microsoft Office - Word, Excel и PowerPoint - и тоа бесплатно.

 

Бета верзиите на овие Android апликации веќе се достапни како дел од три месечниот „преглед“ на програмите за нивно тестирање, меѓутоа официјалниот пакет од сите Office апликации во четвртокот беа лансирани во продавницата за апликации на Google Play. Некои премиум и бизнис функции се достапни само за Office 365 претплатниците.

Прегледаните верзии на Office за Android таблетите се симнати повеќе од 250.000 пати на 33 јазици во повеќе од 100 земји. Апликациите сега се целосно оптимизирани за таблетите. Исто така, постои опција со која можете да вклучите надворешна тастатура.

Меѓутоа бројките за симнување на Android апликациите на Office не можат ни да се споредат со 80 милионските симнувања кои Microsoft  ги објави а кои се однесуваат за iOs, односно iPad и iPhone.