СП до "Дневник": Насловната ви е крш!
Денешната насловна страница на "Дневник", еден од најтиражните дневни весници во Македонија предизвика голем број на негативни коментари низ социјалните медиуми. Со соопштение се јавија и членовите од Студентски пленум.
Студентскиот пленум е пресреќен што ниту еден негов активист не беше “решен од страна на полицијата”, како што вели насловната на Дневник. Им благодариме на “професионалните” новинари кои објавиле ваква брилијантна насловна и на тој начин ни укажаа колку сите ние сме привилегирани што сме здрави и живи!
Исто така, ги поттикнуваме “професионалните” новинари да продолжат да известуваат за студентскиот активизам, но во наредните случаи нека се осврнат на домашниот наместо на туѓиот.
Благодариме однапред.
#ПоздравПленумци
Реакција и од Студентски Пленум УКЛО по објавувањето на насловната на Дневник:
Дневник“ суптилно сака да каже дека требаше да бидеме тепани или дека ќе нè тепаат, ако окупираме во иднина? Или пак сака да каже: „Вас полицијата не смееше да ве пипне, а во Холандија (земја во ЕУ) - видете како ги третираат студентите. Гледате колку демократска земја сме?“
Само вие спинувајте и манипулирајте. Ги препознаваме ваквите тенденциозни вести.
„Немаме“ коњи (умираат по филмови), ама воведовме гумени куршуми, нè легитимираат и вршат притисоци врз активистите, на релативно суптилен начин.
Како и да е. Поддршка до холандските студент(к)и!
Нивниот пристап кон проблемот е на линија со нашиот, односно меѓу другото се борат и за децентрализирани, автономни/еманципаторни универзитети, во коишто образованието ќе се води според научните и општествените потреби, а не според реализираниот профит:
„ReThink UvA is a UvA-wide movement. We stand for the university as an academic community, and emphatically not as a business. In our university, students and staff contribute substantially to the decision-making process. Policy choices may not be based on financial returns, but should first and foremost be guided by scientific and societal needs.“
Објавија СП УКЛО на нивната
Фејсбук страна