Потребни се илјадници статисти за снимањето на "Vikings"

Дали некогаш сте сакале да бидете дел од армија Викинзи? Сега можете.

„Викинзи“ ќе започне со снимањето на четвртата сезона во Ирска кон крајот на април. Веќе популарната и успешна серија објави повик за најмалку 8.000 статисти кои би работеле на снимањето во Ирска. Канадско-Ирската продукција неодамна започна да ја прикажува третата сезона, а во април започнува со снимањето на четвртата сезона.

Продуцентите вчера објавиле дека им се потребни илјадници статисти, а изборот ќе биде извршен во Даблин. Работата е привремена и необична, но потребни се 8.000 луѓе, па шансите за примање се мошне високи. Успешните статисти може да бидат повикани на снимање помеѓу април и декември.

Кандидатите треба да имаат повеќе од 16 години. Добредојдени се луѓе од различни етнички припадности. Не е потребно закажување. Процесот на пријавување и сликање трае приближно 20 минути. Потребни се луѓе кои би играле рибари, мајстори, хирурзи, мажи со долга коса и брада и луѓе кои зборуваат латински.

Аудициите се на 31 март, 1 април и 7 април.

Повеќе информации пронајдете ОВДЕ.