Уписи на магистерските студии по Менаџирање на стратегиски комуникации
Институтот за комуникациски студии (ИКС) го распиша конкурсот за запишување на магистерските студии по Mенаџирање на стратегиски комуникации. Во академската 2015/2016 година можат да се запишат вкупно 40 студенти на едногодишната и двегодишната студиска програма.
Магистерските студии им овозможуваат на постдипломците да стекнат комуникациски, претприемнички и лидерски способности, да го демонстрираат нивниот успех и лидерство преку апликативни проекти и да изградат цврста мрежа со реномирани професори, истражувачи и професионалци.
Предметните програми нудат богат избор на содржини и обезбедуваат знаења за управување со стратегиски комуникации, интегриран маркетинг и нови медиуми и за развивање на деловни стратегии и јавна дипломатија. Професорите и бизнис лидерите вклучени во наставата ги инспирираат студентите да бараат и применуваат конкурентни решенија за придобивање на довербата на јавноста и за градење на репутација преку општествено одговорно одлучување, за управување со кризи и за развивање на интеркултурна комуникација.
Во текот на
наставата, постдипломците се вклучени во тимски проекти за реални клиенти, во кои тие дизајнираат сопствени стратегии, истражуваат и синтетизираат различни ресурси и нудат идеи преку дискусии. Исто така, можат да се вклучат во проектите кои ги спроведува Институтот и да станат дел од тимот на млади истражувачи на ИКС. На постдипломците им се овозможуваат интерактивни и флексибилни можности за учење, користејќи широка палета на онлајн ресурси и учејќи во виртуелнa училницa.
Со завршувањето на магистерските студии, постдипломците добиваат 60 ЕКТС на едногодишните студии, односно 120 ЕКТС на двегодишните студии и се стекнуваат со диплома за магистер по менаџирање на стратегиски комуникации.
Погледнете ги препораките од студентите и професорите