Бесплатно учење програмирање со ликови од филмовите

Компјутерските науки можеби се критичните науки за кариерите на иднината, но денешните деца не се грижат за тоа. За поголемиот дел од нив, програмирањето е уште еден предмет на кој се принудени да го учат.

Нова соработка меѓу „Code.org“ и „Лукасфилм“ би требало да помогне во случајот. Вчера, за време на годишен настан во областа на програмирањето, „Code.org“ претстави бесплатен онлајн-туторијал кој има цел да ги научи децата да градат сопствени игри базирани на ликови од престојниот „Star wars: The force awakens“.

Хероите од филмот ги водат учениците низ лекциите преку кои тие учат програмирање и дизајнирање сопствени игри со ликовите.



„Една од најважните работи за нас е компјутерските науки да ги направиме повеќе популарни, да се зголеми учеството и да се поттикнат ученици од сите возрасти и позадини да се обидат“, изјави основачот Хади Партови.

И барем досега, интернет-страницата беше успешна во своите цели. Од 5-те милиони ученици кои се регистрирани на code.org, приближно 2 милиони се од женски пол, а приближно 2 милиони се од Латинска Америка или афро-американци.