Предупредувачки радар кој им помага на велосипедистите при опасност

Радарот наречен „Varia Rearview Radar“ им помага на велосипедистите со тоа што ги известува кога до нив се приближува автомобил.

 

Возењето на велосипед без велосипедски патеки е страшно и опасно, меѓутоа ова е суровата реалност со која голем број луѓе се соочуваат во секојдневниот живот.

Но, за да им го олесни возењето, и да ги заштити од опасности, компанијата „Garmin“ создаде едноставен но ефективен метод за велосипедистите да добиваат предупредување доколку им се приближува автомобил позади нив.

Овој радар ги известува велосипедистите дека е забележан автомобил на далечина до 140 метри.

Оваа информација е испратена до екранот на радарот кој се поставува на рачките на велосипедот, и користи LED светло за да го покаже растојанието меѓу велосипедистот и до осум автомобили кои се приближуваат.

 

Како што се приближуваат возилата, LED светлото се движи нагоре на радарот и ја менува бојата за да го покаже нивото на опасност на велосипедистот - зелената боја покажува дека не постои никаква опасност,  портокаловата боја е за претпазливост и црвената боја е за опасност.

Интересно и импресивно е тоа што уредот може да разликува возила кои се движат и возила кои се паркирани, со што велосипедистите се поштедени од непотребна паника.

Производот се продава за 389 долари - добра инвестиција со оглед на тоа што ќе имате мир додека возите и нема постојано да бидете под стрес.