Конкурс за најдобро решение на бизнис проблем за студенти од Пелагонискиот регион
Драги студенти од Пелагонискиот регион,
Проектот Моја идеја! Мој бизнис!, кој што е фокусиран на поттикнување
на претприемништвото и на претприемничкиот дух, распишува конкурс за
најдобро Предлог решение на зададен бизнис проблем.
Конкурсот е отворен за сите студенти на додипломски студии кои живеат
и студираат во Пелагонискиот регион или потекнуваат од Регионот, но во
моментов се на студии на друга локација во Македонија.
Сите оние кои ги исполнуваат условите за учество и се заинтересирани да
учествуваат на овој натпревар, треба да го изразат својот интерес со
испраќање на e-mail до
atrpovska@ceed-macedonia.org, по што ќе добијат
апликација во која ќе биде содржан и бизнис проблемот.
Пополнетата апликација со сите потребни податоци и предложеното
решение, ќе треба да ја испратат на наведената електронска пошта,
најдоцна до 15-ти декември, 2015-та година.
Најдобрите пет решенија ќе добијат еднократна и
неповратна парична
поддршка од по 500 УСА долари поединечно, која ќе треба да ја
искористат во насока на комплетирање на своето образование или
доусовршување.
Аплицирајте, предложете свое решение и добијте финансиска поддршка!