Најбогатиот човек на Балканот: Нешто не е во ред со учениците кои ги имаат сите петки

Според податоците на „Форбс“, Ивица Тодориќ, сопственик на „Агрокор“ е најбогат човек на Балканот со богатство во вредност од над 600 милиони евра. Неговата групација „Агрокор“ е најголемата приватна компанија во Хрватска и една од водечките во југоисточна Европа.

Тој неодамна одржал предавање на средношколци од Бедековчина, на кое зборувал за својот пат кон успехот. Во своето обраќање, тој им порачал на учениците да ја земат судбината во свои раце, да се вклучат во животот и што побргу да се заљубат.

Неговата групација денес вработува 60.000 луѓе, а неговото предавање го слушаа и медиуми и заинтересирани граѓани.

- Мојата сопруга да ме слушне сега би ми викала... но морам да кажам една работа - јас велам дека учениците кои имаат само петки, дека тоа и баш не е во ред - изјавил Тодориќ.

На крајот, тој заклучил дека во неговата компанија секогаш ќе има место за работа за овие ученици.