Кревет каков што посакува секој љубител на вселенските бродови

Корисникот на „Reddit“, „BrooklynEWD“ на оваа социјална мрежа сподели неколку фотографии од креветот на неговиот син кој го претвори во вистински вселенски брод.

 

Всушност, креветот бил првото нешто што тој го направил, а првиот чекор бил правење модел од креветот користејќи го 3D софтверот за моделирање „Sketchup“ што и не било многу лесно.

„Ова беше најтешкиот дел од целиот процес“, објаснува корисникот.

 

Кога изградбата била завршена, тој продолжил со брусење и грундирање. „Часовникот отчукуваше. Моето семејство беше надвор од градот цела недела, такашто јас работев секоја вечер 7 дена за да можам да го завршам“, додава тој.

 

На крајот решил да го остави креветот небојадисан за да има нешто што ќе го работи со својот син.