Временска прогноза за наредните неколку денови... За викенд температури над 30 степени

Ова утро во Македонија имаме температури кои се малку пониски од вообичаените за овој период од годината. Во утринските часови во крајните западни предели, како и во североисточните и источните предели имаме умерено облачно време, а во останатите предели е претежно сончево и ветровито.

Во претпладневните часови во западните, североисточните, источните и југоисточните предели ќе биде умерено облачно со сончеви периоди, а во останатите претежно сончево. Попладне разведрување и претежно сончево со локална облачност ќе биде насекаде. Ќе дува доумерен засилен западен и северозападен ветер. Минималните температури од 3 до 11 степени, додека пак максималните дневни ќе достигнат до 13 односно до 25 степени

Во Скопје во среда ќе биде претежно сончево со локална облачност и ветровито. Ќе дува доумерен засилен северозападен ветер. Утринската температура од 8 степени, а максималната дневна до 23 степени. УВ индекс 8.

Во Македонија во четврток ќе биде претежно сончево со локална облачност, ветровито и малку потопло со максимални температури кои ќе се движат од 17 до 27 степени. Во периодот од петок до недела Македонија ќе биде под влијание на поле на висок воздушен и продор на топла воздушна маса од југ која ќе донесе сончево и надпросечно топло време. Во петок максималните температури ќе се движат од 20 до 29 степени. Во деновите од викендот сончево и топло. Во сабота температури од 22 до 31 степен, а во недела од 24 до 33 степени.

Weather4all.com.mk