Во Финска објавена петиција за одржување референдум за излез од ЕУ

Во Финска била објавена петиција за одржување референдум за членството во Европската унија како што се одржа во Велика Британија изминатата недела.

Идејата за петицијата била дадена од националистичката Партија на Финците во земјата. Досега биле собрани над 10.000 потписи. Себастијан Тинкинен, лидер на Партијата на Финците кој ги поддржи Британците во референдумот за излез од Европската унија, пуштил петиција за да собере доволно потписи за одржување таков референдум во Финска.

Досега се собрани над 10.000 потписи, а потребни се над 50.000 за да се прифати предлогот. Европската унија предизвикала хаос во Европа, вели Тиникен, посочувајќи дека на Финска ѝ е потребен референдум за да „се ослободи“.

Let's hope for Finland's referendum. #Fixit

— Ida Östenberg (@IdaOstenberg) June 24, 2016

Велика Британија одржи референдум во четвртокот на кој над 51% од гласачите се изјасниле дека сакаат излез од Европската унија.

Во април, финскиот парламент дебатирал за иднината на земјата во поглед на еврозоната. Дебатата се одржила по петиција за одржување референдум за напуштање на еврото.