ВИДЕО: Пленумците насилно исфрлени од специјалците од пред СПУКМ
Претставниците од Студентскиот пленум велат дека специјалната полиција ЕБР насилно ги исфрлила од пред СПУКМ додека мирно го чекале претседателот на Студентскиот парламент Кирил Спировски и претставниците кои се обиделе да ги однесат гласачките кутии во просториите.
Тензична е ситуацијата пред СПУКИМ, каде полицијата присилно ги отстранува студентите кои беа дел од блокадата. Студентите ги пречекаа полицајците со скандирање „Срамота“ и „Стоп за полициската бруталност“.
Ситуацијата ескалираше после тензичниот ден откако студентските избори поминаа со низа нерегуларности и технички недостатоци. Од Студентскиот пленум постојано бурно реагираат дека идниот претседател на СПУКМ повторно нема да биде легитимен.
Изборите за нов студентски претседател се одржаа денес во просториите на УКИМ, а пленумците кои најавија блокада на изборите, објавија и
видео снимка на која гласачките кутии се носеа во просториите на СПУКИМ.