Времето во Македонија во наредните 5 (пет) дена
Денес е вторник, 26 јули 2016 година, 208-иот ден во годината. Сонцето
изгреа во 05:17, а ќе зајде во 20:01 часот.Денот ќе трае 14 часа и 43
минути.
Врнежите од дожд кои што ги имавме во текот на ноќта во утринските
часови продолжуваат во источните и југоисточните предели. Oблачно време
во централните предели и источната половина од Македонија, додека пак во
западните предели имаме умерено облачно време со сончеви периоди.
МАКЕДОНИЈА - Во Македонија денес ќе биде умерено облачно и нестабилно со
врнежи од дожд, ветровито и посвежо време со пад на максималните
температири. Фокус и поинтензивни врнежи се очекуваат во
северозападните, западните и југозападните предели каде локално ќе
наврнат и до 20 литри дожд. Не е исклучена можноста во североисточните
предели воопшто и да нема врнежи. Утринските температури од 12 до 23
степени, додека пак максималните ќе бидат во опаѓање и ќе се движат од
21 до 32 степени.
СКОПЈЕ - Во Скопје денеска ќе биде умерено облачно со услови за сончеви
периоди претпладне, а во попладневните часови умерено облачно и
нестабилно со врнежи од дожд и грмотевици. Слаб северозападен ветер.
Утринската температура од 20 степени, а максималната дневна до 29
степени.
МАКЕДОНИЈА 5 ДЕНА - Во Македонија во среда претежно сончево со локална
облачност и потопло со температури од 25 до 36 степени. Попладне во
крајните западни и северозападни предели со услови за слаб дожд. Во
четврток претежно сончево со локална облачност и топло. Попладне во
северозападените и западните предели со услови за слаб дожд.
Максималните температури од 27 до 37 степени. Идентични временски услови
и температури ќе имаме и во петок во Македонија. Во сабота стабилно и
топло време, ќе биде претежно сончево и топло со дневни температури кои
ќе се движат во интервал од 28 до 38 степени.