Двојните стандарди за тоа што жените треба да носат
Подготвил:
Тамара Гроздановски
Светот беше шокиран од фотографиите кои оваа недела започнаа да кружат на интернет, а кои покажуваат како вооружен полицаец принудува жена да ја соблече нејзината бурка на плажа во јужниот дел на Франција.
Овој потег доаѓа откако неколку градови во земјата забранија капење со бурки кои го покриваат целото тело, тврдејќи дека овој закон на жените ќе им помогне да се ослободат од обесправувачките верски кодови на облекување како и подобра интеграција во општеството.
Францускиот премиер Мануел Валс вели дека костимот за капење кој го носат некои муслиманки не е соодветен со француските вредности и се базира на „поробување на жената“.
Голем дел од јавноста започна да реагира поради
забраната, а нив им се приклучија и голем број групи за човекови права кои велат дека државата им кажува на своите граѓани што да носат во јавност.
Како што фотографиите го заобиколија интернетот, така некои корисници на интернет успеале да пронајдат фотографија од 1925 година, на која полицаец ја мери должината на костимот за капење на една жена за да се осигура дека костимот е во согласност со прописите воведени од цензорите на плажата.
Во тоа време полицијата им кажувала на жените да се покријат, а денешната полиција им кажува на жените да се соблечат.