11-годишен генијалец популарен на Твитер
Сигурно додека сте биле во средно или на факултет сте биле сведок на тој еден екстра паметен ученик, кој како да нема нешто што не знае. Разбира се` што предаваат професорите, ги поминува сите тестови без никаков проблем. Но, чудно е кога овие карактеристики ќе ги има 11-годишно дете.
Даниел Лиу, вистинскиот волшебник за виша математика и наука, го започнал средното обрзование кога имал само 10 години. Пред тоа, победил на „Биди научник“ - предизвик организиран од Фондацијата за хемиско образование, во конкуренција со 30 илјади други ученици. За тоа добил чек со 10 илјади долари. А сега е на колеџ, слуша предавања на Универзитетот Толедо.
Интересно е што ова дете е веќе познато по социјалните мрежи. Еден негов соученик објавил слика со 11-годишникот на кој напишал : Ова дете има 11 години и заедно слушаме органска хемија...вели дека ако имаме некакви прашања да му испратиме мејл. Овој твит бил споделен повеќе од 100 илјади пати и лајкуван повеќе од 200 илјади пати.
Даниел нема свој Твитер профил, но веќе е и повеќе од познат на оваа социјална мрежа. Голем број коментари од воодушевување можат да се забележат на објавените слики со него. Според коментарите, тој слуша предавања и на предметот математичка анализа, пријател е со познат научник и е достапен за автограми.