Времето до крајот на неделата
Денес на 22.09.2016 година четврток во 10 часот и 21 мин на северната
хемисфера и календарски започнува есента, која ќе трае се до 21 декември
до 5 часот и 44 минути кога и календарски ќе започне зимата.
Денес е четврток, 22 септември 2016 година, 266-иот ден во годината.
Сонцето изгреа во 06:16, а ќе зајде во 18:34 часот. Денот ќе трае 12
часа и 17 минути.
И овој ден го започнуваме со претежно облачно, свежо и ветровито време.
Во утринските часови само во крајните источни предели имаме намалена
облачност која што ни носи и пониски утрински температури.
МАКЕДОНИЈА - Денес во утринските и претпладневните часови ќе биде
умерено облачно со повремени сончеви периоди, ветровито и свежо време.
Во попладневните часови разведрување и намалување на облачноста. Само во
Дебарскиот и Охридско-Преспанскиот регион ќе биде умерено облачно со
сончеви периоди во текот на целиот ден но и со можност за сосема слаби
врнежи од дожд. Ќе дува доумерен засилен северозападен и североисточен
ветер кој ќе достигне брзина и до 30 км/ч. Утринските температури од 5до
16 степени, додека пак максималните дневни ќе достигнат до 14 односно до
25 степени.
СКОПЈЕ – Во Скопје во утринските и претпладневните часови ќе биде
претежно облачно, попладне намалување на облачноста и со сончеви
периоди. Ќе дува доумерен засилен северозападен ветер. Утринската
температура од 12 степени, а максималната дневна до 21 степен.
МАКЕДОНИЈА 5 ДЕНА – Во петок и сабота не очекува сончево и стабилно
време но со голем пад на утринските температури, додека пак максималните
ќе бидат во благ пораст. Во петок утринските од 1 до 10 степени, а
дневните од 16 до 25 степени, додека пак во сабота утринските од 2 до 11
степени, а максималните од 18 до 27 степени. Во недела умерено облачно
време со сончеви периоди и повисоки утрински температури кои ќе се
движат од 4 до 13 степени, а максималните од 16 до 25 степени. Во
понеделник во Македонија ќе биде претежно сончево со локална облачност и
дневни температури од 17 до 26 степени.
Weather4all.com.mk