Татко јавно се извинил во весник: "Сине, жал ми е што не верував дека ќе завршиш ЕТФ"
Подготвил:
Светлана Петковска
Се сеќавате на некогашната закана кои родителите ја кажуваа на своите деца: “Ќе се откажам од тебе преку весник“ или “Должен си, да ми се извиниш преку весник“. Еден татко се одлучил јавно да се извини на својот син во српскиот весник “Политика“ затоа што се сомневал дека син му ќе дипломира на Електротехнички факултет.
Очигледно синот дипломирал, поради што таткото се одлучил преку весник да му упати извинување на синот, бидејќи не верувал дека ќе дојде тој ден кога ќе донесе дома диплома од ЕТФ.
“Се извинувам на својот син Илија Ѓурик што не верував дека ќе дипломира на ЕТФ“- изјавил таткото во својата кратка порака до синот.
Овој гест на таткото секако е за пофалба, бидејќи на овој начин покажал дека се кае што не вложил надеж во својот син. А многу забораваат колку на повреденото лице може да му значи зборот “извини“ и колку тој збор може да ги подобри нарушените односи.
Познато е дека освен за некролози, просторот за огласување во “Политика“ се користел особено во минатото за родителите и децата да се оградат и одречат од фамилијата, така што овој чин на таткото се смета за редок пример.