Ќе се гради првиот стадион од дрво во светот

Компанијата „Zaha Hadid Architects“ ќе гради несекојдневен стадион за британскиот фудбалски клуб „Forest Green Rovers“ од градот Нејлсворт. Тоа ќе биде првиот стадион од дрво на светот и ќе има 5 илјади седишта.


Лондонската компанија која ја основала Заха Хадид, познатата жена архитект која почина пред 8 месеци, победила на меѓународниот натпревар за дизајн на стадионот во конкуренција со други 50 компании.

Стадионот ќе биде „најзелениот стадион на светот“  бидејќи ќе биде изграден исклучиво од дрво и ќе се снабдува со обновлива енергија. Ќе има најнизок состав на јаглерод диоксид и брановиден облик. Ќе се води сметка за положбата на секој посетител со цел гледачите да имаат соодветен поглед без пречки.

Компанијата е позната по градбата на центарот за Олимписки игри во Лондон изграден во 2012-та година, како и арените за Светското фудбалско првенство во Катар во 2011 година. Исто така го дизјанирале и стадионот за Олимписки игри во Токио за во 2020 година, но на контроверзен начин таа здлека им е одземена во корист на верзијата на јапонскиот архитект Кенго Куме.

 По смртта на Хадид, компанијата ја води нејзиниот некогашен партнер Патрик Шумахер. Се уште напорно се работи, а неодамна од компанијата најавија и планови за изградба на археолошки центар во Саудиска Арабија, како и дизајнирање на трофејот за наградата Brit Awards.