Сега можете да изнајмите лажни пријатели за фотографирање

Една јапонска компанија неодамна на пазарот понуди услуга со која на корисниците им овозможува да изнајмат лажни пријатели кои ќе се фотографираат со вас со цел да објавувате слики од пријатели на социјалните мрежи.

Услугата наречена „Real Appeal“ ја создаде компанијата „Family Romance“ за корисниците да ги покаже во подобро светло на „Instagram“ или „Facebook“. Може да се избере помеѓу многубројните лажни пријатели кои се собрани во каталог и сортирани според возраст, пол или модниот стил. Сето тоа за на светот да му покажете дека имате многу пријатели и богат социјален живот.

Лажните пријатели за фотографијата можат да глумат и ваша нова љубов или симпатија - што и да ви е потребно. Личноста можете да ја изнајмите најмалку на два часа за околу 57 фунти.

Иако експертите велат дека времето поминато на социјалните мрежи нè прави уште поосамени, за многу луѓе „Facebook“ и понатаму е одличен извор на забава и дружење.