Нов производ на пазарот - Балони од вода!

Водени балони кои се јадат, кои би можеле да служат како замена за пластични шишиња и чаши ќе се најдат во продажба за околу една година.

Овие балони се направени од три тинејџери уште во 2014 година. Тие сега собираат пари за нивните балони да излезат на пазарот.

„Нашата мисија е отпадот од пакувања да исчезне“, велат тие.

„Оохо“ е остварлива замена за пластичните шишиња и чаши, направена со користење на смеса од натриум алгинат, земен од кафеави алги и калциум хлорид. Балоните се потполно биоразградливи и природни, што можете да ги јадете. Тоа се флексибилни пакети исполнети со вода на кои може да им направите дупка и да пиете директно од нив или да ги косумирате цели. Пакувањето е поевтино од пластика и може да ја задржи било која течност, како што се вода, сокови, па дури и козметика.




Секој балон содржи околу 250 милилитра вода и чини два цента. Тимот се надева дека ќе почне да ги продава балоните на музички фестивали и маратони за една година.