Најголемите извозници на оружје и нивните најдобри клиенти

Војната убива, но и продава. Овие мапи ги покажуваат четирите најголеми извозници на оружје и нивните најголеми клиенти. На врвот се наоѓа САД, а потоа следат Русија, Франција и Кина.

Овие мапи се базирани на бројки од 2011-2015, и исклучуваат зделки за продажба на оружје под 100 милиони долари. САД не само што има најголем буџет за одбрана туку и е најголем извозник во светот. За овој период извозот на оружје е во вредност од 46,4 милијарди долари, речиси третина од вкупниот глобален (32,8%).




Овие бројки во Русија изнесувале 35,4 милијарди долари или 25,3%, во Франција се 8,1 милијарда, а во Кина 7,9 милијарди долари.

Петте најголеми купувачи од САД на воена опрема се Саудиска Арабија (4,6 милијарди долари), Обединетите Арапски Емирати (4,2 милијарди долари), Турција (3,1 милијарда долари), Јужна Кореја (3,1 милијарда долари) и Австралија (2,9 милјарди долари).

Од 2011 до 2015 Њу Делхи купува 13,4 милијарди долари во воена опрема од Русија, Кина купува во вредност од 3,8 милијарди долари, Виетнам во вредност од 3,7 милијарди долари, а други поголеми купци се Алгерија и Венецуела.


Французите исто така продадоа многу воена опрема на Кинезите (1 милијарда долари), на Египет (759 милиони долари), ОАЕ (548 милиони долари) и Саудиска Арабија (521 милиони долари).


Кина пак, продава оружје на своите соседи, Пакистан (3 милијарди долари), Бангладеж (1,4 милијарди долари), Мјанмар (971 милиони долари). Венецуела е уште еден голем купувач (373 милиони долари) и Танзанија исто така (323 милиони долари).