Најскапоценото место во Северна Кореја

Сателитски фотографии откриваат во која насока се движи режимот на Северна Кореја. Забележани се низа тунели и инфраструктура за тестирање во планините на североистокот од земјата.


Северна Кореја продолжува со амбицијата да постави нуклеарна боева глава на ракетен систем кој ќе има способност да погоди мети насекаде ширум светот.

До сега земјата реализираше пет нуклеарни тестови, два од нив во измината година и неколку ракетни лансирања. Според забележаното на сателитските фотографии, откриена е активност во регионот наречен „ Punggye-ri“, како што се ископувања на тунели.

Северна Кореја е единствената земја во светот каде продолжуваат со нуклеарни тестирања. Сепак, експертите сметаат дека Корејците се свесни дека сателити го набљудуваат регионот. Според нив, тешко е да се одреди колку се големи тунелите и што всушност се случува под земјата, но дека местата под земја се одлични за изведување на тестови. Ескпертите истакнуваат дека системите за мониторирање можат да ја забележат и најмалата трага доколку се случуваат тестирања. Денешната технологија може да детектира траги од гасови и подземни движења.