Појава на нов вирус во Украина кој рапидно се шири
Избива нова закана. Вирус наречен „XData“ интензивно се шири во Украина, со дури три пати повеќе „инфекции“ отколку што направи „WannaCry“. Иако во моментов е регистриран само во Украина, се очекува да се рашири и глобално и да нанесе поголеми последици од вирусот од минатата недела.
Новиот вирус бил откриен од од истражувач во „MalwareHunter“, па регистрирани се 94 „инфекции“ и бројката се зголемува. Со „WannaCry“ вирусот беа инфицирани 200 илјади уреди, а со новиот вирус ако се прошири глобално се очекува бројката да биде поголема.
Експертите анализираат и се обидуваат да идентификуваат како вирусот ги „заразува“ уредите, но новиот вирус целосно ги трансформира документите во шифри и не е пронајден начин за истите да бидат дешифрирани.
Кај уредите зафатени од вирусот се гаснат сите вклучени процеси, а нема можност и за поврзување на Интернет. Заради големиот број на зафатени уреди се смета дека во вирусот е вметнат и некој дополнителен драјвер.
Експертите велат дека е рано да се предвиди колкаво влијание ќе има вирусот на Украина, а и надвор од неа, бидејќи уште не им е познат механизмот на самиот
вирус. Во моментов го набљудуваат и анализираат вирусот, а степенот на ширење се зголемува од час во час.