Епл отворено им нуди пари на оние кои се откажуваат од Андроид

Компанијата Епл неодамна го предизвика Гугл на двобој за лансирање на голема кампања со која директно ги повикува потенцијалните корисници да се откажат од Андроид телефоните.



Кампањата се нареква „префрлување на Андроид“, а за истата технолошкиот гигант има објавено пет видеа. Епл во новата кампања ветува дека „животот е полесен со Ајфон“.

„За разлика од многу други телефони, важните податоци во Вашиот Ајфон се под енкрипција и заштитени со Ваша шифра“, велат од компанијата.

Имено, компанијата нуди и до 250 долари на корисниците кои стариот Андроид телефон ќе го заменат за нов, а сумата зависи од видот на телефонот. Повеќе од 81% од телефоните во светот користат софтвер на Гугл, во споредба со 18% на Епл.

Самсунг е најпопуларниот производител во текот на минатата година и дури 20% од сите продадени телефони во 2016 потекнуваат од оваа компанија. На Епл припаѓа 14% од тој пазар.