Зошто не треба да ги тепате децата?

Колку повеќе децата се физички малтретирани за дисциплина, толку стануваат поагресивни и антисоцијални.


Ова се податоците од новата студија која заклучува дека тепањето поради лошо однесување има слични ефекти со физичка злоупотреба. Заклучокот се сведува на истражувања кои траеле повеќе од 50 години и вклучуваат повеќе од 160 илјади деца.

Под тепање во студијата се смета удирање по екстремитетите или по задникот. На овој начин децата добиваат негативни ефекти, а дисциплината повторно не се постигнува, сметаат истражувачите. Удирањето само ќе придонесе за спротивен ефект од оној што го посакуваат родителите.

Во светот 80 проценти од децата се тепани, и тоа најчесто од родители кои биле казнувани на овој начин кога биле деца. Истражувањето покажува дека удирањето е поврзано со истиот негативен резултат што се јавува кај детето по злоупотреба, само на малку пониско ниво.