Вештината што му е потребна на вашето дете за професиите од иднината

Секое дете го почнува своето патување низ животот со неверојатен потенцијал: креативен начин на размислување кој на светот му пристапува со љубопитност, прашања и желба да го запознае и светот и себеси преку игра.

Сепак, овој начин на креативно размислување честопати е уништен, па дури и избришан од конвенционалните образовни практики кога младите деца почнуваат да одат на училиште.

Теранскиот тест за креативно размислување често се наведува како пример за тоа како детското дивергентно размислување се намалува со текот на времето. 98 отсто од децата во градинка се „креативни гении“ - тие можат да покажат бескрајни можности за тоа како да се искористи спојница за хартија.

Оваа способност драстично се намалува како што децата поминуваат низ формалниот образовен систем и до 25-тата година само 3 отсто остануваат креативни гении.

Она што најмногу загрижува е што Теранс тестот покажал намалување и во оригиналноста кај малите деца.

Патем, дали знаевте дека можете да комбинирате шест стандардни лего-коцки на повеќе од 915 милиони начини?

Погрешен фокус

Светскиот економски форум го објави својот извештај за човечки капитал со наслов: „Подготовка на луѓето за иднината на работата“.

Во извештајот се наведува дека голем дел од денешните образовни системи исклучуваат вештини потребни за функционирање на денешниот пазар на труд.

Во продолжение се нагласува како училиштата се стремат да се фокусираат првенствено на развивање на когнитивните вештини на децата - или вештини во рамките на традиционалните предмети, наместо да се поттикнуваат вештини како решавање проблеми, креативност и соработка.

Ова треба да биде причина за загриженост кога ќе се насочиме кон вештините што се бараат во Четвртата индустриска револуција: комплексно решавање на проблемите, критичко размислување и креативноста како три најважни вештини што детето треба да ги унапредува.

Така, на пример, креативноста од 10. се искачи на 3. место во период од 5 години. Емоционалната интелигенција и когнитивната флексибилност исто така влегоа во листата со вештини за 2020 година. Загрижувачки, овие вештини често не се истакнуваат кај децата на училиште, каде што сè уште е присутен традиционалниот пристап на предавање, кој преовладува со векови.

Детска игра

Истражување во Нов Зеланд ги споредило децата што научиле да читаат на возраст од 5 години со оние што научиле на возраст од 7 години.

Кога имале 11 години, двете групи деца ја покажале истата способност за читање. Но децата што научиле да читаат на 7 години покажале повисоко ниво на разбирање. Едно од објаснувањата е дека тие имале повеќе време да го истражуваат светот околу себе преку игра.

Јасно е дека подготовката на децата за иднината бара повторно фокусирање на концептите за учење и образование. Знаењето да читаат, пишуваат и пресметуваат, остануваат важни за децата.

Меѓусебно поврзан и динамичен свет значи дека децата ќе менуваат работни места неколку пати во текот на својот живот - менувајќи работни места што денес не постојат, но кои можеби самите ќе ги измислат во иднина.

Прашањето е како да ги поттикнуваме вештините и како да ја одржуваме природната способност на децата да учат во текот на целиот живот, наместо да ги уништуваме со формалното образование?

Да се постигне ова е поедноставно отколку што мислите: треба да се ангажираат децата во позитивни, забавни искуства. Различните форми на игра им овозможуваат на децата да развијат социјални, емоционални, физички и креативни вештини како дополнување на когнитивните.

Доживотна игра

Ако се согласиме за итната потреба за развивање вештини за сложено решавање проблеми, критичко размислување и креативност, неопходно е да признаеме дека овие вештини се градат преку игра во текот на животот.

Бидејќи инвестираме во иднината на нашите деца, треба да бидеме сигурни дека ги штитиме од директното учење, „школувањето“ или учење на тригодишниците и форсирање да ја научат азбуката или броевите, иако не постојат докази дека со тоа ќе ги направиме подобри читатели.

Треба да ги преиспитаме домашните задачи на нашите деца и да видиме колку е важно да создаваме радосни, значајни моменти на игра со нашите деца.

Природната способност на децата да учат преку игра може да биде клучна за развивање на нивните вештини. Плус, забавно е. Тогаш, што нè спречува? Ајде да играме!