Оглас за пракса во Халкбанк АД Скопје
Оглас за практикантска работа
Халкбанк АД Скопје им нуди можност на заинтересираните студенти, своето досегашно теоретско знаење да го применат во реално и динамично бизнис опкружување во рамките на Халкбанк АД Скопје и притоа истото да го надоградат од аспект на практично познавање на банкарското работење и операции. Истовремено, студентите за време на практикантската работа би се стекнале со деловни вештини и навики, потребни за понатамошно работење во соодветна работна организација, како и со можност да ги насочат во вистинскиот правец своите идни кариерни замисли.
Потребни критериуми кои потенцијалните практиканти би требало да ги исполнуваат:
- студент на додипломски или постдипломски студии на Економски факултет, Бизнис Администрација и слични насоки поврзани со бизнис – економскиот и управувачки аспект на работењето на организациите;
- солидни вештини за работа на компјутер, посебно во Microsoft Office пакетот;
- солидно познавање на англиски јазик;
- ентузијазам, проактивност, организираност и ажурност;
- конструктивен и позитивен став кон доделените задачи;
- добри интерперсонални вештини и способност за тимска работа;
- да се во можност да посетуваат практична работа во Банката во времетраење од 8 часа дневно, во рамките на работното време на Банката, во период од најмалку еден и најмногу три месеци во континуитет;
- да не се во работен однос.
Заинтересираните студенти потребно е своите куси биографии да ги достават на е-маил адресата
hr@halkbank.mk, со назнака: „За практикантска работа”.
Од доставените апликации ќе се изврши предселекција на кандидати и само оние кои ќе влезат во потесниот круг на селекција ќе бидат контактирани и повикани на интервју.
Дирекција за човечки ресурси,
организација и обука
Халкбанк АД Скопје