Лексикон: За да го видите значењето на даден збор во рaмките на веста, позиционирајте го покажувачот врз него и кликнете два пати.
 

Климатските промени низ годишните времиња во период од 20 години

 
nasa
Фото: NASA

НАСА успеа да прикаже како во период од 20 години, низ годишните времиња, се случувале и климатските промени, во нивната впечатлива глобална мапа на планетата Земја.

Визуелизацијата на податоците, покажува флуктуации на Земјата со поглед од вселената.

Поларните ледени прекривки и снежната покривка се прикажани како се однесуваат низ годишните времиња. Различните нијанси на океанот, сина, зелена, црвена и виолетова покажуваат богаство или недостаток на морскиот живот.

„Мапата ни прикажува како Земјата дише. Навистина е извонредно“, изјави океанографот Џереми Вердел, кој учествувал во проектот.

Две децении, од септември 1997 година до минатиот септември, се прикажани во само две и пол минути.

Вердел изјави дека визуелизацијата покажува дека пролетта доаѓа порано, а есента трае подоцна во северната хемисфера. За него особено е забележливо како ледената покривка на Арктикот се оддалечува со текот на времето.

 
Објавено на 19.11.2017 во категорија Наука
Подготвил: Тамара Гроздановски
 
 

Издвојуваме

Слични вести од Fakulteti.mk

Препорачани вести од Facebook