Венко Андоновски ја доби наградата „Св.Климент Охридски“ за образование

Професорот Венко Андоновски и историчарот Наим Алими се добитници на државната награда „Св.Климент Охридски“ за образование и воспитание, а музичкиот уметник Гарабет Тавитјан, писателот Јордан Плевнеш и филмологот Илинденка Петрушева – за култура и уметност, одлучи одборот за доделување на наградата.


Наградата ќе им биде врачена на 8 декември, во 13 часот, во свечената сала на Собранието на Република Македонија. Академикот Владо Камбовски е претседател на одборот највисокото признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Македонија.