Лексикон: За да го видите значењето на даден збор во рaмките на веста, позиционирајте го покажувачот врз него и кликнете два пати.
 

Пејсмејкер за мозокот - го подобрува животот на луѓето со невролошки проблеми

 
мозок
Фото: Flickr

Отклучувањето на човечкиот мозок е една од најголемите цели на невротехнологијата во последниве години. Сега, уште еден тим создаде имплант за мозокот за да ја подобри когнитивната функција и овој пат можеби е чекор поблиску до овозможување ваквите технологии да станат достапни за јавноста.

Длабоко мозочна стимулација

Научниците создале мозочен пејсмејкер за да испратат електрични импулси додека се бори за складирање, но технологијата не функционира ако забележи дека мозокот функционира нормално. Ова се разликува од другите неодамнешни мозочни иновации кои продолжуваат да функционираат наместо постојано да придонесуваат за електричните импулси на мозокот.

Оваа техника се нарекува длабоко мозочна стимулација.

„Возбудливо е тоа што може да се реплицира и прошири, и тогаш можеме да го искористиме истиот метод за да откриеме кои карактеристики на мозочната активност предвидуваат добри перформанси“, вели помошник-професорот по когнитивна и информатичка наука Бредли Војтек. Тој работи на Универзитетот во Калифорнија, Сан Диего.

Истражувачката база на имплантот произлегува од 70 милиони долари финансиска поддршка од Одделот за одбрана за развој на третмани за војници кои страдаат од трауматски повреди на мозокот.

„Една работа е да се вратите на вашите податоци и да откриете дека стимулацијата функционира, а друга е да имате програма која работи самостојно и во реално време. Сега оваа технологија е тука и на овој начин може да се искористат сите видови невромодулациони алгоритми“.

Имплантите прават повеќе од зголемување на меморијата на 25 лица кои моментално се лекуваат од епилепсија. Истражувачите теоретизираат дека исто така може да помогнат во лекувањето на оваа болест.

Новата технологија доаѓа набрзо откако Медицинскиот центар „Векснер“ при Државниот универзитет во Охајо објави информации дека развил посебен пејсмејкер за мозокот. Овој пејсмејкер е поагресивно насочен кон Алцхајмеровата болест.

„Имаме многу помошници за меморијата, алатки и фармацевтски третмани со кои им се помага на пациентите со Алцхајмеровата болест и нивната меморија, но немаме ништо со што би им помогнале за подобрување на нивното расудување, нивното донесување добри одлуки и зголемување на нивната способност за селективно фокусирање на зададената задача. Овие вештини се неопходни за извршување на секојдневните задачи, како што е местење на креветот, избирање што да се јаде и значајното дружење со пријателите и семејството“, вели д-р Даглас Шаре, коавтор на истражувањето и доктор на Одделението за когнитивна неврологија при Медицинскиот центар „Векснер“.

Како и со најновото истражување, тимот од Универзитетот во Охајо ги проучувал ефектите на имплантот врз фронталните лобуси со цел да го стимулира регионот на мозокот што е најодговорен за решавање на проблемите, организирањето и доброто расудување.

Третманот исто така бил тестиран и врз 85-годишна жена од Делавер, Охајо, која зела учество во клиничко испитување во 2013 година. Нејзе ѝ се повратила независноста благодарение на технологијата што ја отфрла Алцхајмеровата болест.

Двата истражувачки тима велат дека нивните технологии во голема мера можат да ги подобрат условите за живот на луѓето што страдаат од различни невролошки проблеми.
 
Објавено на 14.02.2018 во категорија Наука
Подготвил: Тамара Гроздановски / Лектор: Ивана Кузманоска
 
 

Издвојуваме

Слични вести од Fakulteti.mk

Препорачани вести од Facebook

Галерии

Лексикон

Наука