Декември, 1979 година: Се смета дека низ цел свет, по пошта ќе бидат испратени преку 3,5 милијарди новогодишни честитки, со добро познатите желби: „Среќна Нова година“, „Многу успех и среќа“ или некој сличен текст. Ако сметаме дека за секоја честитка се потребни 2 динари, би дошле до фантастична сума што луѓето ја трошат за да испратат една пошта. Уште пред нашата ера имало идеја преку писмо некому да му се посака целата среќа на светот и најдоброто во годината што доаѓа. Било забележано дека старите Кинези пред повеќе од 2.000 години изработувале црвени таблички од глина на кои пишувале честитки и ги испраќале на своите најдраги.