Студентите од целата земја маршираат низ лондонските улици, со цел да се укине школарината и да се стави крај на студентските долгови. Тие исто така протестираат против плановите на владата за укинување на грантови и нивна замена за кредити. Критичарите предупредуваат дека на овој начин најсиромашните студенти ќе имаат дополнителни долгови кои не ќе можат да ги исплатат. „Вашата генерација е предадена од оваа влада со зголемувањето на школарината, како и со укинување на надоместокот за одржување на образованието“, изјави Мекдонел, лидерот на опозицијата. „Образованието е подарок од една генерација за друга, а не е предмет што може да се купи и да се продаде“, изјави тој пред групата демонстранти.