ЕВН Македонија АД, Скопје распишува конкурс за доделување стипендии за студенти од eнергетските насоки чиј вкупен нето приход на семејството (родители/старатели и кандидатот) за 2020 година по сите основи не надминува 400.000,00 денари.
Оваа година ќе бидат доделени 10 (десет) стипендии на студенти кои во учебната 2021/2022 се запишувале по првпат во I, II, III и IV година на енергетските насоки на Факултетот за Електротехника и информациски технологии при УКИМ, Техничкиот Факултет – Битола и Електротехнички факутет при Универзитетот „Гоце Делчев“ – Штип.
Стипендијата е во висина од 8.000,00 денари месечно и се доделува за 10 (десет) месеци, со можност за продолжување или за прекин, во зависност од исполнувањето на обврските пропишани во Договорот за стипендирање.
Обврски на корисникот на стипендијата:
- Студиската година да ја заврши во рок;
- Да има положено најмалку 70% од испитите од претходната година за продолжување на стипендијата;
- Да извршува пракса во траење од најмалку 30 дена во текот на годината во ЕВН Македонија АД Скопје, односно во Друштвата во кои ЕВН Македонија е единствен содружник и основач;
Потребни документи за аплицирање:
- Кратка биографија;
- Потврда за редовeн студент запишан во зимски семестар за студиската 2021/2022;
- Уверение/потврда од Управата за јавни приходи, за остварени приходи по разни основи за претходната година за двајцата родители-старатели на кандидатот, поединечно и за самиот кандидат;
- Изјава дека не сте корисник на стипендија или кредит од друга институција или компанија;
- Есеј на тема „Мојата иднина како електро-инженер“.
Сите потребни документи испратeтe ги на stipendii@evn.mk најдоцна до 30.09.2020 година со назнака во subject: за стипендија, најдоцна до 30.10.2021.
Напомена: големината на мејлот треба да е мах. до 4 МВ, ако мејлот е поголем од 4 МВ, документите испратете ги во 2 посебни мејла.