Бруцоши, апсолвенти, пленумци, редовни, нередовни, одлични, десеткаши, бубалици, презапишувачи, дојдени од друг град или скопјани, ракувајте се со вашата успешна иднина.
На 24 март ќе се одржи кратка конференција на „
HeySuccess“ - платформа за студентски можности која работи на меѓународно ниво.
Презентацијата ќе ја одржи студентка на Филолошкиот факултет „Блаже Конески“, која е истовремено и практикант во „HeySuccess“. Таа ќе го сподели своето искуство со вас, а ќе ви раскаже и неколку успешни приказни на луѓе кои некогаш мислеле дека нема да успеат, а сега се директори кои патуваат ширум светот, експерти кои се одговорни за големи компании и професионалци со кои луѓето сакаат да работат.
Презентацијата ќе се одржи во предавалната по словенечки јазик, а дел од неа ќе биде на словенечки јазик. Токму затоа, се охрабруваат сите сегашни, поранешни и идни студенти од катедрата по словенечки јазик да присуствуваат на презентацијата. Ќе има и конкретни можности за кои може да се пријавите веднаш!
Поканети се и останатите студенти, но местата се ограничени. Побрзајте и пишете кратка електронска порака во која ја објаснувате вашата мотивација за учество на
dragana@fakulteti.mk. На истата адреса може да поставувате прашања за платформата „HeySuccess“. Што можете да прашате? Се' што ве интересира.
Бидете дел од дипломците на иднината, не од загубената генерација!
Настанот на „Фејсбук“.