Федералната комисија за стипендии за странски студенти на Владата на Швајцарија за академската 2021-2022 година ќе додели најмногу 30 стипендии за докторски, постдокторски студии и истражувања за студенти од земјите од Централна и Источна Европа и кавкаските држави, вклучувајќи ја и Македонија, соопшти
Министерството за образование и наука.
-Стипендиите се наменети за кандидати кои имаат завршено универзитетски студии со висок просечен успех, за докторски и постдокторски студии и истражувања во сите научни области на некој од државните универзитети или признати институти во Швајцарија. Конкурсот не предвидува доделување стипендии за додипломски и магистерски студии - наведуваат од МОН.
Потребни документи може да се подигнат од амбасадата (тел: 02 3 103 300, и преку електронската адреса:
skopje@eda.admin.ch), а информации за трите вида стипендии, важечки за македонската страна, може да се најдат на страницата:
www.eda.admin.ch/north-macedonia.
Целосно пополнетата апликација во хартиена оригинална верзија и во копија треба да се достави до Амбасадата на Швајцарија во Скопје, најдоцна до 15 ноември.