Симон Шредер (17) од Минстер има необично барање од државата. Имено, тој бара поголема слобода во поглед на тестовите.

Симон ја користи интернет-платформата „fragdenstaat.de“ (Побарај од државата) за да ги види тестовите кои треба да ги полага наскоро. Тој е средношколец. Државата има рок од еден месец за одговор, иако неговиот прв тест е на 16 април.

Тој е свесен дека нема големи шанси за позитивен одговор:

- Мислам дека нема да ми ги пратат тестовите. Веќе повторувам за секој случај. Мислев дека вреди да се проба и сакав да видам што би ми одговориле.

Досега, Министерството за образование само потврдило дека го добило барањето. Симон учи математика, физика и англиски јазик и веќе работи како програмер, а планира да студира применета информатика кога ќе се запише на факултети.

Медиумското внимание за барањето веќе му донело работна понуда.

Фондацијата „Отворено знаење“ ја основала интернет-платформата за да им помогне на граѓаните да добијат пристап до јавните информации. На интернет-страницата може да се најдат детали и секакви барања поставени од јавноста, како и одговорите од властите и коментари од други корисници.