Една камера на НАСА која се наоѓа на сателитот со обзерваторијата за набљудување на далечната вселена го испрати првиот поглед кон целосната страна од Земјата осветлена од сонцето на оддалеченост од 1,6 милиони километри од нас.

Фотографијата во боја од Земјата била направена со телескоп и камера од четири мегапиксели и била составена од три одделни слики. Камерата прави десет фотографии истовремено со повеќе различни филтри.

Сликата (односно сликите) била направена на 6 јули годинава, а на неа ги гледаме Северна и Централна Америка. Она што е интересно во врска со сликата е тоа што на неа моѓе да се видат ефектите од сончевата светлина распрскана од молекулите во воздухот.

Наскоро, НАСА ќе добива слики од овој телескоп секојдневно, со што за првпат ќе може да ги анализира дневните варијации на целата планета. Овие слики ќе бидат објавувани на интернет од септември.